De Dansmarietjes

De Nar

Pascal Hollanders, zoën van Lau en Tiny Hollanders. Pascal, al joare beroemd as nar Holly. Heej zurgt durvur det de geest uut de fles kumt en dur pas noa de karnaval terug iengedowt wert. Heej slept de prins dör moeilijke momente en zörgt mit zien dör Wendy van Kempen geverfde snuut altiet vör unnen hoep flauwekul. Wendy mug zoa langsamerhand wel gezien werre as de kloek van de road die wakt oaver ut welbeviende van al ut vrouweluk schoon binnen de road.

De Adjudanten

Dun adjudant van de prins. Den hiet Robert Lemmens en is geboore beej Bert en Nannie Lemmens. Heej wônde joare an de Venroadseweg ien ut alt huus van Tei de Huid. (Dit vör aldere Huibuuke) Heej wil ger jong blieve en is dörum truggegoan nor de alde bewaarschôl (kleuterschôl) teggeworrig bekend as de Fatimaflat. Heej zit nog op de TU schôl ien Eindhoven, des un hoëge schôl, wel 11 verdiepinge.  Dor liert ie vör “Innovation manager” det betaekent volgus ons niks anders dan det ge prebiert neej grei ienen te frotte en an de man te brenge. Zien groëte passie is muziek. As dur ergus gekloit wert mit muziek is Robert dur beej. Heej is dan iën van de groëte manne beej de Lônse topformasies Cold Turkey en Los Zand. Heej löt zoëgezet de klakoen dör de losse zand swinge. Heej dromt volgus zien vriendin, des Lotte Dupont, van oersprong uut Oastrum, van un huus mit unnen boggert mit noëtebuëm. Robert is biëstig gröts dettie dör prins René is uutgekoozu um as ziene persoënlukke atjudant te fungiere. Um hum tegge zien antosiasme te bescherme hettie van prins René al un paar schoen mit stoale neuze gekrege vör as ie te wild mit de pedaal, des diejun holtere poal, op de grond paert um de prins ut woord te gaeve.

Bart Weerts is dur enne van Geert Weerts en Mieke van Toën Rutte van de Rondweg. Heej is adjudant van de road. Noa un paar joar keihard optreeju hettie ut zaakje vort goed onder dun duum. De afgeloëpe joare hai al zien andacht nuëdig um de road op ut goeie karnavalspad te halde. Det het gewerkt, nou hettie an iën woord genoeg um zien gezag te loate gelde. Mit al zien IQ’s is ut leste woord toch altiet vör Bart. Diskuzeure mit Bart het dus gen zin. Bart het now dus tiet zat um is serieus op jacht te goan nor un leuk huibuukinneke. Of det lukt mit alliën verstand is de vroag.

De Road van Elluf

Koen Kersten is dur enne van Arie Kerste en Hannie van Ties Lemme.
Koen is lang nie de langste van de road mar wel ontzettend briëd…… ienzetbaar. Dur zien ervaring is heej is van alle karnavalsmerritte tuus. Vanwaege zien karakter en zien postuur kan heej mit iederiën dur iën deur, en vanwaege ziene fienen humor stöt heej beej de Lônse vrollie hoëg op ut verlangliesje.

Marijn Muysers is dur enne van Wim en Maria Muysers uut de buurt van Klim Weymans. Marijn fungiert binne de road as de dag en nacht bereikbare moppe-databank. Heej zit zoa duk op de kop ien zien moppetelefoon dettie nie ien de gaate het det zien pilske van ut bierbledje wert gegraaid en ien un ander kaelsgat verdwijnt. Vör Marijn löpt ut dan duk uut op druëgen humor.

Paul Mathey is dur enne van Peter en Wilma Mathey. Um de iemposante verschijning van Paul kunde mit de karnavalsdaag egt nie hin. Ge ziet Paul nie altiet ien de polonaise, diejun ekstra tiet gebruukt heej um de kriezis beej de bierbrouwereju buute de deur te halde. Det gouwe buksku uut ut verleeju het um trouwes gen wiendeier gelet. Ut het iendruk gemakt op minses iën schon huibuukin want Paul wert mit de karnaval ovveraent gehalde dur Laura Janssen. Laura is un der van ut feestpaar Jos en Lea Janssen.

Lars Achten, zoën van Gerrie Wilmsen en Mat Achte. Lars is ondanks ziene jeugdige laeftiet en uutstroaling nou al un biezonder geroetinierd roadslid. Heej stöt op ut juuste mement op de toffels en lit dur zelde onder. Uut zien dak goan is vör hum gen kunst, dor oefent ie sommers op, ien ziene roeijen auto en dan dromt ie al van de kommende karnaval samen mit Lisa Beckers un der van Ria en Jos Bekkers, van beroep stoaker en perde aflegger.

Bram Dekkers is dur enne van Lau en Mia Dekkers. Bram het al beweezu dettie ut groëte podium hendig an kan. Heej het ok herses, det is op ut stroatetoernooi teminste angetont. Mit ziene sportachtergrond goan weej dur zondermier vanuut det heej ien de polonaise mit twië vingers ien de neus kilomaeters kopwerk zal verrichte vur de neeju prins. Dettie noa al det kopwerk dun drankumzet tot ongekende högte zal opjaage stöt as unnen paol boave bier. Heej het as hofdame un schon der an zien zeej, ze hiet Els Hofmans en is un dochter van Peter Hofmans en Erna Tunnisse. Els het zeker ien de karnavalsopvoeing unne flinke klats van Henk Vloet mitgekrege.

Paul Joosten, zoën van Krit Joosten en Marian van Pietje Martens de Lektrieskel.
Paul is dun Don Goewan van de road. De derre hange beej böskes an hum. Det kumt waarschijnlijk dör zienen achtergrond, heej wet de vrollie te boeie. Heej löt ze ok wer los want heej wil zich nog nie biende. Heej stöt zien menneke vör en ok achter dun tap. Heej is biezonder glasvast.

René Teunissen, zoën van Jantje Teunissen en Connie Raaymakers. René het zienen draeij ien de road hiëlemol gevonde. De pilskes schuuft ie net zoa hendig noa binnen as dettie dör de waek zien talloze stiën ien de reej let. Ok ien de wien, goeie of kwoie speejt ie egt nie. Ien de polonaise zit René geheid altiet beej de urste 5. Wat Gerrit Delauw ien zien hiële karnavalslaeve noi vur mekaar gekrege het, hai René ien de kortste kiere verrig. Heej veroverde al rap un dansmarietje. Heej viert ziene karnaval same mit Jeanine Janssen en des un der van Huub Jansen en Els van Pietje Kruuze van dun Bossenhoek.

Rudy Broeren, unne jong van Ton en Tonnie Broeren. Heej is hartstikke neej ien de road. Rudi het alles ien zig um uut te groeie tot hofzanger. Heej het al un hiël laeve achter de rug as topartiest op de liedjesmiddag. Mit de komst van Rudi is het zangvermogen van de road mit rowgeschat 983 % toegenome. Ok ien de goreografie gaeft ut bestuur Rudi de vreeju hand um ut eindelijk us vur mekaar te kriegen det die jonge us iëne kier tegeliek dezelfde kant op beweaege. As det lukt lit de ovverwinning op de liedjesmiddag vur ut griepe en is det de enorme ienvestiering die ut bestuur het motte doen um Rudi um te kriege dubbel en dwars wert. Rudi suukses.

Erik Hofmans, ok unne neeju. Zoën van Peter Hofmans en Erna Tunnisse en ok heej het zeker ien de karnavalsopvoeing unne flinke klats van Henk -'noit noa huus'- Vloet mitgekrege. Erik is beej de road ien hiël goeie hande. Heej hoef nou nie mer hiël Loën af te schuupe um erges eier te goan aete of unne prost te zuuke um ien te sloape.

De volgende is ok unne splinterneeje. Ut is Pierre van Raaij, unnen zoën van Kees en Riet van Raaij. Woënend an dun Holtklef (Houtklef) gevoarluk kort beej Venroi  is heej un grensgeval. Umdet heej persoënluk uutgekoze is dur prins René kriegt heej netuurluk ut vurdiël van dun twiefel. Mogt heej toch wat piëlhaazebloed ien zich hebbe dan zurgt de road dur wel vör det det dur de kommende karnaval mit un paar vaate Lôns bier vakkundig uutgespuult wert. Zien vriendin hettie angepast an zien adres. Ze is iënentwintig lentes en hiet Marjolijn van Hout.
Umdet Pierre de minselukke melkrobot van boer Martijn is maake we ons un bitje zurg ovver de bonte vrollie van Martijn. Wellicht zal Marlies hör melkdieplooma mit de karnaval van stal motte haale.

Ok de nummer elluf is gloetje neej. Heej hiet Dirk Alders. Tis dur enne van Henk en Riny Alders en wônt an de Jan Hendriksstroat. Ut is gegrandiert unne biëstige goeie want ok heej is mit veul zurrug persoënluk gesillektierd dör prins René dun urste. Dur de waek werkt heej beej Sjon Dier ien Horst. Dor mekt heej van die goëte gruune mesjienes woaronder netuurluk ok huiperse. Dirk is dus unnen huideskundige een we verwaachte det heej prins René vakkundig zal beejstoan ien ut beejen halde van de Huibuuke en Huibuukinne. Sandra Smits uut Ysselstein is zien vriendin en die helt um op ut goeie pat.
Dirk fungiert ok as melkrobot mar dan vör alt prins Peter Cremmers die nou de kommende karnaval mit un zoer gezicht zelf de hand an de uiers zal motte slaon as ie teminste gen zoer melluk wil kriege.